ក្រុមហ៊ុន Sports Engineering And Recreation Asia Ltd, (Seara) គាំទ្រចំពោះគំរូអាជីវកម្មដែលមានលក្ខណៈល្អប្លែកពីគេ តាមរយៈបទពិសោធន៍និងការលះបង់កម្លាំងកាយចិត្តរបស់ថ្នាក់គ្រប់គ្រងនិងបុគ្គលិក ការជឿទុកចិត្ត និងភាពស្មោះត្រង់នៃអតិថិជនរបស់ខ្លួន ក៏ដូចជាការប្តេជ្ញាចិត្តរបស់ម៉ាកយីហោធំៗទូទាំងពិភពលោក ដែលបង្កើតឱ្យមានអ្នកផលិត និងអ្នកផ្គត់ផ្គង់កម្រិតកំពូលទៅលើផ្នែកកីឡា អត្តពលកម្ម ការថែទាំសុខភាពនិងសុខមាលភាព។ អតិថិជនផ្នែកពាណិជ្ជកម្មរបស់ក្រុមហ៊ុន Seara គឺជាគម្រោងអភិវឌ្ឍអចលនទ្រព្យលំនៅឋាន សណ្ឋាគារនិងរមណីយដ្ឋានដែលនៅតាមទីប្រជុំជន កន្លែងហ្វឹកហ្វឺនកាយសម្បទា ក្លឹបកីឡា កន្លែងលំហែកម្សាន្តនិងក្លឹបឯកជន មន្ទីរពេទ្យនិងមណ្ឌលសុខភាព សាលារៀនអន្តរជាតិ សាកលវិទ្យាល័យ និងអគាររដ្ឋាភិបាលនិងយោធាផងដែរ។